हामी सबैकाे संसारन्यूज

भदौ २९, काठमाडौं । नेकपा माओवादी केन्द्रले स्थायी समिति बैठक बोलाएको छ । केन्द्रले दिउँसो ३ बजे पार्टी केन्द्रीय कार्यालय पेरिसडाँडामा बैठक बोलाएको स्थायी समिति सदस्य गणेश शाहले जानकारी दिए ।

आजको बैठकमा पछिल्लो राजनीतिक परिस्थितिबारे विशेषत छलफल हुने उनले जनाएका छन् । ‘मन्त्रिपरिषद् विस्तार हुन सकेको छैन्, केहि अन्यौंल कायमै छ’, शाहले संसार न्यूजलाई भनेका छन्, ‘आज यहि पछिल्लो परिस्थितिबारे छलफल हुन्छ, हामी केहि निकास खोज्ने प्रर्यत्नमा छौं ।’

उनका अनुसार बैठकमा माओवादीको राष्ट्रिय सम्मेलनको तयारीका विषयमा पनि छलफल हुनेछ । माओवादी केन्द्रले आगामी पुसमा राष्ट्रिय सम्मेलन गर्ने यसअघि नै निर्णय गरिसकेको छ । सोही विषयमा आजको बैठकमा छलफल हुने बताइएको छ ।