Sansar News
सिन्धुली । भरुवा बन्दुकसहित पाँच जना पक्राउ परेका छन् ।
इलाका प्रहरी कार्यालय डकाहाको टोलीले मंगलबार भरुवा बन्दुकसहित पाँच जनालाई पक्राउ गरेको हो । घर तथा गोठमा भरुवा बन्दुक लुकाइ छिपाइ राख्दै आएको सूचनाका आधारमा प्रहरीले उनीहरुलाई घरैबाट पक्राउ गरेको हो ।
पक्राउ पर्नेमा दुधौली नगरपालिका–२ जलकिनी र तीनचम्केका रहेका छन् । जलकिनीका नरबहादुर बस्नेत, शिवबहादुर कार्की, चुडाबहादुर राउत र तीनचम्केका जितबहादुर बरैमगर र भुवनबहादुर रानामगर रहेको जिल्ला प्रहरी कार्यालय सिन्धुलीका प्रहरी नायब उपरीक्षक मनोजकुमार लामाले जानकारी दिए ।
घटनाबारे आवश्यक अनुसन्धान भइरहेको जिल्ला प्रहरी कार्यालय सिन्धुलीले जनाएको छ ।
वि.सं.२०७८ असोज ५ मंगलवार १५:१८ मा प्रकाशित
