Sansar News
काठमाडौं । नेपालमा पछिल्लो २४ घण्टामा गरिएको १२ हजार २० नमुना परीक्षणमा ६६६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज थपिएका ७७६ जनासँगै नेपालमा कोरोनाबाट संक्रमित हुनेको संख्या ९ लाख ४ हजार ४४३ पुगेको छ । हाल देशैभरी सक्रिय संक्रमितको संख्या १० हजार २९६ रहेको छ ।
त्यसैगरी आज निको भएका ६२२ जनासँगै नेपालमा हालसम्म कोरोना संक्रमणबाट मुक्त हुनेको संख्या ७ लाख ८८ हजार ६३० रहेको छ ।
त्यस्तै पछिल्लो २४ घण्टामा ११ जना कोरोना संक्रमितको मृत्यु भएको मन्त्रालयको विवरणमा उल्लेख छ ।
मन्त्रालयका अनुसार नेपालमा हालसम्म संक्रमणबाट मृत्यु हुनेको संख्या ११ हजार ३७२ पुगेको छ ।
मन्त्रालयका अनुसार नेपालमा हालसम्म १ करोड ९९ लाख २२ हजार १६४ जनाले कोरोना भाइरसविरुद्धको खोप लगाएका छन् । ती मध्ये पहिलो मात्रा खोप लगाउनेको संख्या ८६ लाख ३२ हजार २९३ रहेको छ भने दुवै मात्रा खोप लगाउनेको संख्या ६७ लाख ९ हजार ९०५ पुगेको छ ।
मन्त्रालयद्धारा जारी विवरण अनुसार पछिल्लो २४ घण्टामा ७३ हजार ४२७ जनाले कोरोनाविरुद्धको खोप लगाएका छन् ।
नेपालमा कोभिसिल्ड, भेरोसेल, जोन्सन एण्ड जोन्सन, जापानीज ऐष्ट्राजेनेका र स्वीडिस ऐस्ट्राजेनिका नामक खोप लगाइएको छ ।
वि.सं.२०७८ कात्तिक ९ मंगलवार १६:१८ मा प्रकाशित
