हामी सबैकाे संसारन्यूज

काठमाडौं । नेपाली कांग्रेसको शनिवार सम्पन्न प्रदेश अधिबेशनको निर्वाचनको मत परिणाम अनुसार प्रदेश १ को सभापतिमा उद्धव थापा निर्वाचित भएका छन् ।

पूर्वमहामन्त्री कृष्ण प्रसाद सिटौला पक्षका थापाले शेरबहादुर पक्षको समेत समर्थनसहित सभापतिमा निर्वाचित भएका हुन् ।

सभापतिमा विजयी थापाले ८४४ मत ल्याएर सभापतिका अर्का उम्मेदवार गुरुराज घिमीरेलाई पराजित गरेका हुन् । घिमीरे २ मतको अन्तरले मात्र पराजित भएका हुन् । नेपाली कांग्रेसको केन्द्रीय सदस्य समेत रहेका घिमीरेले ८४२ मत प्राप्त गरेका थिए ।
प्रदेश अधिबेशनको निर्वाचनमा कूल १ हजार ७५२ मत खसेको थियो ।

त्यसैगरी प्रदेश उपसभापतिमा रमेशजंग रायमाझी र टंकप्रसाद राई निर्वाचित भएका छन भने महामन्त्रीमा भूपेन्द्र राई र उमेश थापा निर्वाचित भएका छन् ।

त्यस्तै सहमहामन्त्रीमा प्रमिला गच्छदार, खङ्ग फागो र बिनोदकुमार बस्नेत निर्वाचित भएका छन् ।

निर्वाचनको मत परिणाम असामान्य भएको भन्दै घिमीरे पक्षले पुनः मतगणनाको माग गरेका छन् । तर, निर्वाचन समितले भने यसबारेमा आफ्नो धारणा नराखेको बताइएको छ ।

यो पनि…

नेपाली कांग्रेसको लुम्बिनी प्रदेश सभापतिमा अमर सिंह पुन मगर विजयी