हामी सबैकाे संसारन्यूज

काठमाडौं । नेपाली कांग्रेसको प्रदेश २ को अधिबेशन १४ औं केन्द्रीय महाधिबेशन पछि गरिने भएको छ ।

गत शनिवार सातै प्रदेशमध्ये ६ प्रदेशको अधिबेशन सम्पन्न भएर सभापति निर्वाचित भइसकेको अवस्थामा प्रदेश २ को अधिबेशन भने हुन सकेको थिएन । तर, बिहीवार नै उद्घाटन गरिएको प्रदेश अधिबेशन अब भने महाधिबेशन पछि धकेलिने भएको छ ।

प्रदेश २ का केही जिल्लाका अधिबेशन विवादका कारण रोकिएपछि १४ औं केन्द्रीय महाधिबेशनपछि प्रदेश अधिबेशन गरिने जनाइएको छ ।

प्रदेश २ का लौही, महोत्तरी र वारामा क्षेत्रिय अधिबेशन हुन नसकेको हो । यता केन्द्रीय महाधिबेशन संघारमा आइसकेको र प्रदेश २ को जनकपुरमा विवाह पन्चमी महोत्सब सुरु भइसकेकोले प्रदेश २ को निर्वाचन गर्र्नका लागि समय नपुग्ने प्रदेश २ निर्वाचन समितिका एक सदस्यले जानकारी दिएका छन् । नेपाली कांग्रेसको १४ औं महाधिबेशन यहि मंसिर २४ देखि २७ गतेसम्म हुने भएको छ ।