हामी सबैकाे संसारन्यूज

काठमाडौं । गण्डकी प्रदेशका सात प्रदेशमा सोमबार कोरोना संक्रमितको संख्या शून्य देखिएको छ ।

प्रदेशको मनाङ, मुस्ताङ, म्याग्दी, पर्बत, गोरखा, लमजुङ, तनहुँ र स्याङजामा सोमबार कोरोनाबाट संक्रमित हुने र मृत्यु हुनेको संख्या शून्य देखिएको छ ।

त्यसैगरी आज प्रदेशका तीन जिल्लामा ३८ जना कोरोना संक्रमित थपिएका छन् । ती मध्ये सबैभन्दा बढी कास्कीमा १५ जना, बाग्लुङमा १४ जना र नवलपरासीपूर्वमा ९ जना संक्रमित थपिएका छन् ।

प्रदेशको स्वास्थ्य निर्देशनालयका अनुसार प्रदेशमा हालसम्म कोरोनाबाट संक्रमित हुनेको संख्या ८८ हजार ३७ पुगेको छ भने ती मध्ये निको हुनेको संख्या ८६ हजार ४३४ रहेको छ । प्रदेशमा हलसम्म १४२१ जनाले संक्रमणबाट ज्यान गुमाएका छन् ।

त्यस्तै प्रदेशमा हाल १८२ जना सक्रिय संक्रमित रहेका छन् ती मध्ये १४३ जना होम आइसोलेशनमा र अन्य विभिन्न अस्पताल तथा आइसोलेशन सेन्टरमा उपचार गराइरहेका छन् ।

प्रदेशमा पछिल्लो २४ घण्टामा २३१ वटा कोरोनाको नमुना परीक्षण गरिएको छ । जसमा ३८ जनामा संक्रमण पुष्टि भएको छ भने ९ जना निको भएका छन् । प्रदेशमा हालसम्म ३ लाख ५२ हजार ८२२ वटा कोरोनाको नमुना परीक्षण गरिएको छ ।