Sansar News
काठमाडौं । उपत्यकामा आज यो वर्षकै चिसो महसुस गरिएको छ ।
मौसम पूर्वानुमान महाशाखाका अनुसार आज काठमाडौंको न्यूनतम् तापक्रम ४ं.३ डिग्री सेल्सियस मापन गरिएको छ । साथै आज काठमाडौंको अधिकतम् तापक्रम १९.३ मापन गरिएको छ ।
महाशाखाले पछिल्ला केहीदिनयता देशैभरी चिसो ह्वात्तै बढेकाले आवस्यक सतकर्ता अपनाउन समेत अनुरोध गरेको छ ।
त्यसैगरी आज सबैभन्दा बढी चिसो जुम्लामा महसुस गरिएको छ । जुम्लाको तापक्रम आज माइनस ४.६ डिग्री मापन गरिएको छ भने अधिकतम तापक्रम १४.९ मापन गरिएको छ ।
त्यसैगरी डडेल्धुराको पनि न्यूनतम् तापक्रम ३.६ मापन गरिएको छ भने अधिकतम १४.८ मापन गरिएको छ ।
आज यी प्रदेशमा हल्का हिमपातको सम्भवना
महाशाखाका अनुसार आज दिउँसो सुदुरपश्चिम प्रदेश, कर्णाली प्रदेश ,गण्डकी प्रदेश तथा प्रदेश नं १ का उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको छ।
राति पनि सुदुरपश्चिम प्रदेश, कर्णाली प्रदेश तथा गण्डकी प्रदेशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको महाशाखाले जनाएको छ ।
वि.सं.२०७८ मंसिर २७ सोमवार ०९:५४ मा प्रकाशित
