Sansar News
काठमाडौं । नेपाली कांग्रेसको आगामी नेतृत्वका लागि दोस्रो चरणको चुनाव लड्ने तयारी गरिरहेका डा. शेखर कोइरालाले आफु चुनावी मैदानबाट बाहिरीन लागेको भन्ने कुरा हल्लामात्र भएको बताएका छन् ।
नेपाली कांग्रेसको १४ औं महाधिबेशन अन्तर्गत सोमबार भएको निर्वाचनमा देउवासँग झण्डै ५ सयको मतान्तरमा पछि परेका कोइरालाले दोस्रो चरणको चुनावमा आफुले देउवासँग प्रतिस्पधार्ध गर्ने बताउँदै मतदातालाई अन्तरआत्माको आवाज सुनेर मत दिन अनुरोध समेत गरेका छन् ।
दोस्रो चरणको निर्वाचनको केही समय अगाडि हात्तिसारको होटल अरण्यामा आकस्मिक पत्रकार सम्मेलन गर्दै डा. कोइरालाले मतदातालाई आफ्नो विवेक प्रयोग गरेर मतदान गर्न अपिल गरेका हुन् ।
‘दोस्रो चरणको मतदान हुन गइरहेको छ, यहाँहरुले आफ्नो मनको अन्तर आत्माले विवेक प्रयोग गरेर मतदान गर्नुहुनेछ,’ पत्रकार सम्मेलनमा उनले भने, ‘ त्यो एक मतले नेपालको भविष्य हामी परिवर्तनन गर्न सक्छौ भन्ने विश्वास लिएको छु । ’
यसअघि भएको निर्वाचनमा सभापतिका उम्मेदवार शेरबहादुर देउवाले २२५८ र कोइरालाले १७०२ मत ल्याएका थिए । देउवाले कोइरालालाई ५५६ मत बढीले जितेका थिए । कोइराला भन्दा ५५६ मत बढी ल्याएका देउवालाई सभापतिमा विजयी हुनका लागि ८२ मतले रोकेको थियो ।
अन्ततः निधीले बोली फेरे, दोस्रो चरणको निर्वाचनमा देउवालाई सघाउने
वि.सं.२०७८ मंसिर २८ मंगलवार १४:३६ मा प्रकाशित
