Sansar News
काठमाडौं । नेपाली कांग्रेसको १४ औँ महाधिवेशनअन्तर्गत भएको निर्वाचनको मत परिणाम अनुसार उपसभापतिमा पूर्णबहादुर खड्का र धनराज गुरुङ निर्वाचित भएका छन् ।
कांग्रेस विधानअनुसार केन्द्रीय कार्यसमितिका दुई उपसभापतिका लागि भएको निर्वाचनमा खड्का दुई हजार १२१ र गुरुङले एक हजार ९०८ मत प्राप्त गरी विजयी भएका हुन् ।
वर्तमान कार्यसमितिमा महामन्त्रीमा रहेका खड्का सभापति शेर बहादुर देउवा प्यानल र केन्द्री सदस्य रहेका गुरुङ डा. शेखर कोइराला प्यानलबाट चुनावी मैदानमा होमिएका थिए ।
उपसभापतिका अर्का प्रत्यासी विजयकुमार गच्छदार दुई मतले मात्र पराजित भएका छन् । देउवा ‘प्यानल’ कै उनले एक हजार ९०६ मत प्राप्त गरेका थिए । निर्वाचन समितिका अनुसार उपसभापतिका अन्य प्रत्यासी डा चन्द्र भण्डारीले एक हजार ५८०, सुजाता कोइरालाले ६४४, महेश आचार्यले ५८९ र दिव्यश्वरी शाहले १३२ मत प्राप्त गरेका थिए ।
वि.सं.२०७८ पुस १ बिहीवार ०८:२० मा प्रकाशित
