Sansar News
काठमाडौं । नेपाली कांग्रेसको १४ औं महाधिबेशन अन्तर्गत सोमबार नयाँ नेतृत्वका लागि भएको निर्वाचनको मतगणना गर्ने र मत परिणाम आउने क्रम जारी छ ।
त्यसैगरी आज बिहान ८ बजेबाट महामन्त्री पदका लागि खसेको मतगणना गर्ने तयारी हुँदैछ ।
नेपाली कांग्रेसको दुई महामन्त्रीका लागि डा. शेखर कोइराला प्यानलबाट गगन थापा, मिनेन्द्र रिजाल, देउवा प्यानलबाट प्रकाशसरण महत, प्रदीप पौडेल, प्रकाशमान सिंह प्यानलबाट विश्वप्रकाश शर्मा तथा बिमलेन्द्र निधिको प्यानलबाट राजाराम कार्की महामन्त्रीको उम्मेदवार रहेका छन् ।
यसअघि सभापतिका लागि दुई चरणमा भएको निर्वाचनको मत परिणाम आइसकेको छ जसमा शेर बहादुर देउवाले डा. शेखर कोइरालालाई पछि पार्दै पार्टीको सभापतिमा पुनः निर्वाचित भएका छन् । उनलाई दोस्रो चरणको निर्वाचनमा नेताहरु विमलेन्द्र निधि र प्रकाशमान सिंहले साथ दिएका थिए ।
त्यसैगरी बिहीवार बिहान दुई उपसभापति पदमा कोइराला प्यानलबाट धनराज गुरुङ र देउवा प्यानलबाट पूर्ण बहादुर खड्का निर्वाचित भइसकेका छन् । निर्वाचनको मत परिणाम अनुसार खड्काले २१२१ र गुरुङले १९०८ मत ल्याएर उपसभापतिमा विजयी भएका हुन् ।
वि.सं.२०७८ पुस १ बिहीवार ०८:४४ मा प्रकाशित
