हामी सबैकाे संसारन्यूज

काठमाडौं । नेपाली कांग्रेसको १४ औं महाधिवेशनअन्तर्गत महामन्त्री पदका लागि भएको निर्वाचनमा शेखर कोइराला प्यानलका गगन थापा र प्रकाशमान सिंह प्यानलका विश्वप्रकाश शर्मा विजयी भएका छन् ।

महामन्त्रीमा विजयी थापाले निकै राम्रो लोकप्रिय मत पनि प्राप्त गरेका छन् । मतपरिणामअनुसार थापाले कुल मतको झण्डै दुई तिहाइ मत पाएका छन् । उनले ४ हजार ६८२ मतमध्ये ३ हजार २३ मत पाएका छन् । त्यस्तै महामन्त्रीमा विजयी शर्माले १ हजार ९८४ मत पाए ।

देउवा प्यानल कमजोर, निधि विजोग

महामन्त्रीका लागि भएको प्रतिस्पर्धामा थापाको अगाडि देउवा प्यानलका दुवै उम्मेदवार प्रकाशशरण महत र प्रदीप पौडेल निकै कमजोर साबित भए । दुवैले पाएको मतभन्दा पनि थापाले ६४ बढी मत ल्याएर विजयी बने ।

मतपरिणामअनुसार महतले १ हजार ५५० र पौडेलले १ हजार ४०९ मत पाएका छन् । दुवै उम्मेदवार मतगणनाको सुरुदेखि नै महामन्त्रीमा विजयी शर्मासँग मात्रै प्रतिस्पर्धी जस्ता देखिएका छन् । तथापी दुवैले भन्दा शर्माले पनि झण्डै ४ सय बढी मत ल्याएर विजयी भएका छन् ।

यता महामन्त्रीको प्रतिस्पर्धामा विमलेन्द्र निधि प्यानल निकै नै कमजोर सावित भएको छ । उनको प्यानलबाट महामन्त्रीमा उठेका राजाराम कार्कीले निकै नगन्य मत १०७ मत पाएका छन् । जसले निधि प्यानल र उनका उम्मेदवारको अवस्थासमेत चित्रण गर्दछ ।

सम्बन्धित समाचार

कांग्रेस महामन्त्रीमा गगन र विश्वप्रकाश निर्वाचित, कसको मत कति ?