Sansar News
काठमाडौं । विवेकशील साझा पार्टीका अध्यक्ष रवीन्द्र मिश्रले संयोजक मिलन पाण्डेलाई स्पष्टीकरण सोधेका छन् । पार्टीबाट हटाउने योजनासहित मिश्रले पाण्डेलाई स्पष्टीकरण सोधेका हुन् ।
मिश्रले पुस ४ गतेसम्म स्पष्टीकरणका बुझाउन समय दिएका छन् ।
मिश्रले पाण्डे समूहकी नेतृ रञ्जु दर्शनालाई जिम्मेवारीबाट हटाउँदै कारबाही गरेका छन् । बागमती प्रदेशकी संयोजक रहेकी दर्शनालाई उनले उक्त जिम्मेवारीबाट हटाएका छन् ।
मिश्रले पाण्डे समूहका नेता तथा विवेकशील साझाको अन्तराष्ट्रिय समितिका संयोजक सुरेश भट्टलाई समेत जिम्मेवारीबाट हटाएका छन् । यस्तै पाण्डे समूहकै केशव दाहाललाई प्रशिक्षण विभागबाट हटाएका छन् ।
मिश्रले प्रदेश संसदीय दलका नेता रमेश पौडेललाई पनि फिर्ता बोलाउने तयारी गरेका छन् ।
मिश्रले नेताहरुको जिम्मेवारी खोसेसँगै रिक्त स्थानमा अन्यलाई नियुक्त गर्न तयारीसमेत गरेका छन् ।
वि.सं.२०७८ पुस २ शुक्रवार १६:०७ मा प्रकाशित
