हामी सबैकाे संसारन्यूज

युएई । पर्बत समाज यूएईको आयोजनामा निःशुल्क स्वास्थ्य परीक्षण कार्यक्रम हुने भएको छ ।

समाजको आयोजना तथा तथा निको पोलिक्लिनिकको सौजन्यमा आगामी अप्रिल २६ गते, आइतबारका दिन निःशुल्क स्वास्थ्य परीक्षण कार्यक्रम आयोजना हुने भएको हो ।

उक्त कार्यक्रम मस्ताफावि बिजिनेस सेन्टर १०२ फस्ट फ्लर, सराफ डिजिको नजिकै दिउसो १२ बजेदेखि साँझ ६ बजेसम्म हुने भएको हो ।

समयमै स्वास्थ्य परीक्षण गराई सम्भावित रोगहरूको पहिचान गर्न तथा स्वस्थ जीवनशैली अपनाउन सहयोग पुगोस् भन्ने उद्देश्यले उक्त कार्यक्रमको आयोजना गरिएको समाजले जानकारी दिएको छ ।

उक्त कार्यक्रममा विभिन्न प्रकारका आधारभूत स्वास्थ्य परीक्षणहरू निःशुल्क रूपमा उपलब्ध गराइने भएकोले महत्वपूर्ण अवसरको सदुपयोग गर्न यूएईमा रहेका सम्पूर्ण नेपाली दाजुभाइ तथा दिदीबहिनीहरूलाई कार्यक्रममा सहभागी भई लाभ लिन समेत समाजले अनुरोध गरेको छ ।