हामी सबैकाे संसारन्यूज

काठमाडौं । नेकपा (माओवादी केन्द्र) निकटको नेपाल जनसांस्कृतिक महासंघको केन्द्रीय अध्यक्षमा मातृका पोखरेल चयन भएका छन् । काठमाडौंमा सम्पन्न महासंघको सातौं राष्ट्रिय सम्मेलनले पोखरेललाई अध्यक्षमा चयन गरेको हो ।

वरिष्ठ प्रगतिवादी साहित्यकारको पहिचान बनाएका पोखरेल प्रगतिशील लेखक संघका पूर्वअध्यक्ष पनि हुन् ।

सम्मेलनले १० उपाध्यक्षमा कर्णबहादुर परियार, केशव शिलवाल, देवेन्द्र थुम्केली, प्रगति महरा, भीम कुमाखी, राकेश किराँती, केपी पाठक, सुदिन चौधरी, चेतन सापकोटा र विक्रम कुवरलाई चयन गरेको छ । त्यस्तै सचिवमा केशरी घर्तीमगर चयन भएकी छन् ।

महासंघकाे कोषाध्यक्षमा भने विमला केसी चयन भएकी छिन् । पदाधिकारी बाहेक ९५ सदस्यीय केन्द्रीय सदस्य चयन गरिएको छ ।

सम्मेलनले १३ सदस्यीय पदाधिकारीमा एक उपाध्यक्ष, महासचिव र २ सचिव भने चयन गर्न बाँकी छ । महासचिवमा सुवर्ण हमाल र केशर कालिकोटेले दावी गरेपछि केन्द्रीय समितिले उपयुक्त समयमा सर्वसम्मतको प्रयास गर्ने बताइएको छ ।