Sansar News
काठमाण्डौ । नेकपा एमालेको केन्द्रीय सदस्यका लागि युवराज बास्कोटाको माहौल देखिएको छ ।
काठमाण्डौंको भृकुटीमण्डपमा जारी एमालेको ११ औ महाधिवेशनका मतदाताहरुका बिच उनको लोकप्रियता बढ्दै गएको छ ।
खासगरी भारत प्रवासमा पार्टी सम्बद्ध जनसंगठनको नेतृत्व लिएर लामो समयसम्म प्रवासी नेपाली समुदायको हक अधिकारको विषयमाथि बहस र पैरवी गर्दै आएका बास्कोटा पार्टीको छैटौँ राष्ट्रिय महाधिवेशन यता निरन्तर भाग लिदै आएका छन र एक कार्यकाल केन्द्रीय सदस्यको जिम्मेवारी समेत पुरा गरेका छन ।
आफनो नियमित र औपचारिक अध्ययनसँगै अभानेस्ववियु र प्रवासी नेपाली संघ भारतको महासचिव र अध्यक्षको भूमिकामा रहँदै संगठनात्मक जिम्मेवारी पूरा गरेका बास्कोटाले नेपालको गणतान्त्रिक आन्दोलनमा ऐक्यबद्धता जुटाउने काम समेत गरेका थिए । विधि, नीति र पद्धतिबाट राजनीतिमा सभ्यता थपिन्छ भन्ने मुल मान्यता राखेका उनी कोशि प्रदेशबाट खुला केन्द्रीय सदस्यको लागि प्रतिस्पर्धामा रहेका छन् ।
वि.सं.२०८२ पुस १ मंगलवार ०९:४२ मा प्रकाशित
