Sansar News
काठमाडौं । सर्वदलीय बैठकका एजेण्डाबारे छलफल गर्न बोलाइएको सत्तारुढ गठबन्धनको बैठकमा नेकपा (एकीकृत समाजवादी)का अध्यक्ष माधवकुमार नेपाल अनुपस्थित भएका छन् । ढिलो गरि सुरु भएको बैठकमा उनी अनुपस्थित भएका हुन् ।
बालुवाटारमा आएका नेपाल बैठक ढिलो गरि सुरु हुने भएपछि फर्किएका थिए । नेपाल अर्को बैठकका लागि फर्किएको बुझिएको छ ।
दिउँसो २ बजेका लागि तय गरिएको बैठक प्रधानमन्त्री शेरबहादुर देउवा आउन ढिलाइ गरेपछि बैठक सुरु हुन ढिलाई भएको थियो ।
बालुवाटारमा जारी बैठक प्रधानमन्त्री शेरबहादुर देउवासहित नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, जनता समाजवादी पार्टी (जसपा)का अध्यक्ष उपेन्द्र यादवलगायत उपस्थित छन् ।
वि.सं.२०७८ पुस ४ आइतवार १६:१६ मा प्रकाशित
