Sansar News
काठमाडौं । नेपाली कांग्रेसको प्रदेश २ को सम्मेलन आजदेखि हुने भएको छ ।
केन्द्रमा १४ औं महाधिबेशन सम्पन्न गरेर नेतृत्व समेत निर्वाचित गरिसकेको अवस्थामा विभिन्न विवादका कारण रोकिएको प्रदेश २ को अधिबेशन आज सम्पन्न हुने भएको हो । कांग्रेसले प्रदेश २ का रोकिएका आठ जिल्लाको अधिबेशन समेत गर्ने निर्णय गरेको छ ।
अधिेबशेनले प्रदेशको नेतृत्वमा सभापति, उपसभापति र महामन्त्री÷१÷१ जना, एक महिलासहित तीन सहमहामन्त्री र सदस्यहरु निर्वाचित गर्नेछ ।
चुनावी कार्यतालिका अनुसार आज (मंगलवार) उम्मेदवार मनोनयन दर्ता र बुधवार हुने निर्वाचन हुने बताइएको छ । नेपाली कांग्रेस प्रदेश २ निर्वाचन समितिका अनुसार हालसम्म सभापतिमा रामसरोज यादव, नरेश यादव र कृष्ण यादव गरी ३ जनाले उम्मेदवारी घोषणा गरिसकेका छन् ।
तीन उम्मेदवार मध्ये नरेश नेता शेखर कोइराला, रामसरोज यादव विमलेन्द्र निधी र कृष्णा सभापति शेर बहादुर देउवा निकट रहेको बताइएको छ ।
क्रियाशील सदस्यता विवाद र समयमै अधिवेशनहरू नहुँदा प्रदेश २ मा केन्द्रीय महाधिवेशनपछि अधिवेशनहरू हुन लागेका छन् । प्रदेश अधिबेशनमा १ हजार ९८० जना मतदाताले मत हाल्ने बताइएको छ ।
नेपाली कांग्रेसले यसअघि ६ वटा प्रदेशमा अधिबेशन सम्पन्न र गरिसकेको कांग्रेसले प्रदेश २ मा क्रियाशील सदस्यता लगायतका विवाद रहेका कारण अधिबेशन गर्न सकेको थिएन ।
नेपाली कांग्रेसको यसअघि भएको ६ वटा प्रदेश अधिबेशनले प्रदेश १ मा उद्धव थापा, बागमती प्रदेशमा इन्द्र बाँनिया, लुम्बिनी प्रदेशमा अमर सिंह पुन, गण्डकी प्रदेशमा शुक्रराज शर्मा, कर्णाली प्रदेशमा ललितजंग शाही, र सुदूरपश्चिम प्रदेशमा बीर बहादुर बलाएरलाई प्रदेश सभापतिमा निर्वाचित गरिसकेको छ ।
वि.सं.२०७८ पुस ६ मंगलवार ०९:३९ मा प्रकाशित
