Sansar News
काठमाडौं । नेपाली कांग्रेसको १४औं महाधिवेशनबाट सभापतिसहित १३ पदाधिकारी र १२१ केन्द्रीय सदस्य चयन भएका छन्। निर्वाचनबाट चयन भएका बाहेक विधानअनुसार अब ३३ जना केन्द्रीय सदस्य मनोनित हुनेछ ।
अहिले चर्चा विधानअनुसार सभापतिबाट को–को मनोनित भएर आउलान् भन्ने छ । यसैगरि सभापति शेरबहादुर देउवाले प्रवक्ता र कोषाध्यक्षको जिम्मेवारी क–सलाई देलान् भन्ने पनि छ ।
देउवाले महाविधेशनमा कुनै पनि पदमा नउठेका नेता रामचन्द्र पौडेल र कृष्णप्रसाद सिटौला र उठेर हारेका प्रकाशमान सिंह र विमलेन्द्र निधिलाई केन्द्रीय सदस्यमा मनोनीत गर्ने निश्चित छ ।
शनिबार बस्ने केन्द्रीय समिति बैठकमा देउवाले मनोनित हुने नेताहरुको नाम पेश गर्नेछन् । उनले त्यसको लागि आन्तरिक छलफल पनि अगाडि बढाइरहेका छन् ।
देउवाले महाविधेशनमा कुनै पनि पदमा नउठेका नेता रामचन्द्र पौडेल र कृष्णप्रसाद सिटौला र उठेर हारेका प्रकाशमान सिंह र विमलेन्द्र निधिलाई केन्द्रीय सदस्यमा मनोनीत गर्ने निश्चित छ । यसैगरि देउवाले प्रवक्ता र कोषाध्यक्षको पनि टुंगो लगाउँदैछन् ।
सभापति देउवाले कोषाध्यक्षमा आफ्नो विश्वासपात्र तथा सञ्चार तथा सूचनामन्त्री ज्ञानेन्द्रबहादुर कार्कीलाई ल्याउन लागेको चर्चा कांग्रेसभित्र छ । यद्यपि मधेशी कोटाबाट केन्द्रीय सदस्यमा चयन भएका उद्योगी विनोद चौधरीले पनि कोषाध्यक्षको लागि लविङ गरिरहेका छन् ।
सभापति देउवाले प्रवक्तामा रमेश लेखक र एनपी साउदमध्ये एक जनालाई ल्याउन चाहेको चर्चा कांग्रेसभित्र छ । चर्चामा रहेका दुवै नेता देउवानिकट मानिन्छन् । दुवै नेताले सभापति देउवासँगको छलफलमै पदाधिकारीमा उम्मेदवारी दिएका थिएनन् । केन्द्रीय समितिमा चित्त बुझाएका साउदको उपस्थिति निकै बलियो देखिन्थ्यो ।
त्यस्तै, सभापति देउवाले कोषाध्यक्षमा आफ्नो विश्वासपात्र तथा सञ्चार तथा सूचनामन्त्री ज्ञानेन्द्रबहादुर कार्कीलाई ल्याउन लागेको चर्चा कांग्रेसभित्र छ । यद्यपि मधेशी कोटाबाट केन्द्रीय सदस्यमा चयन भएका उद्योगी विनोद चौधरीले पनि कोषाध्यक्षको लागि लविङ गरिरहेका छन् । यता देउवाको सहयोगी जस्ता देखिएका राज्यमन्त्री उमेश श्रेष्ठ पनि कोषाध्यक्षको लबिङमा छन् ।
वि.सं.२०७८ पुस ९ शुक्रवार १४:४५ मा प्रकाशित
