हामी सबैकाे संसारन्यूज

काठमाडौं । बुटवलबाट आइतबार बिहान शव बोकेर गुल्मीको रिडीतर्फ जाँदै गरेको बस पाल्पामा दुर्घटना हुँदा ७ मलामीको मृत्यु भएको छ ।

पाल्पाका प्रहरी प्रवक्ता डीएसपी रामेश्वर त्वातीका अनुसार शव लिएर जाँदै गरेको लु १ ख ७२७९ नम्बरको बस पाल्पाको रिब्दिकोट गाउँपालिका-३, लघुवामा बिहान साढे १० बजेतिर दुर्घटना भएको थियो ।

दुर्घटनामा ७ जना मलामीको घटनास्थलमै मृत्यु भएको उनले जानकारी दिए। दुर्घटनामा परि ८ जना घाइते भएको उनले जनाए । बसमा ३५ जना मलामी सवार थिए ।

दुर्घटनामा घाइते भएका ८ जनालाई उपचारको लागि तानसेनस्थित मिसन अस्पतालमा पठाइएको डिएसपी त्वातीले बताए । मृतकको सनाखत हुन बाँकी रहेको प्रहरीले जनाएको छ ।