Sansar News
काठमाडौं । मौसम पूर्वानुमान महाशाखाले आज तीन प्रदेशका केही स्थानमा मेघ गर्जन ÷चट्याङ्ग सहित हल्का वर्षाको सम्भावना रहेको जनाएको छ ।
महाशाखाका अनुसार आज दिउँसो सुदूरपश्चिम प्रदेश, कर्णाली प्रदेश र लुम्बिनी प्रदेशका केहि स्थानहरूमा र बाँकी प्रदेशहरूका एक–दुई स्थानहरूमा मेघ गर्जन /चट्याङ्ग सहित हल्का वर्षाको सम्भावना रहेको छ। साथै उच्च पहाडी तथा हिमाली भू–भागका केहि स्थानहरूमा हल्का देखि मध्यम हिमपातको सम्भावना रहेको छ।
त्यस्तै राति पनि सुदूरपश्चिम प्रदेशका एक–दुई स्थानहरूमा छिटपुट देखि हल्का वर्षाको सम्भावना रहेको छ भने उच्च पहाडी तथा हिमाली भू–भागका थोरै स्थानहरूमा हल्का हिमपातको सम्भावना रहेको महाशाखाले जनाएको छ ।
आज काठमाण्डौंको न्यूनतम ८ डिग्री र अधिकतम तापक्रम १९ डिग्री मापन गरिएको छ । त्यस्तै आज जुम्लाको न्यूनतम २ र अधिकतम ११ डिग्री मापन गरिएको छ ।
वि.सं.२०७८ पुस २६ सोमवार ०८:३० मा प्रकाशित
