Sansar News
काठमाडौं । अब उपत्यकामा ट्याक्सी चढ्नासाथ ६० रुपैयाँ भाडा तिनुपर्ने भएको छ ।
यातायात मन्त्रालय बागमती प्रदेशद्धारा जारी गरिएको सूचना अनुसार पुष २० गतेको मन्त्रिस्तरीय निर्णय अनुसार ट्याक्सी सेवा प्रदायकले विभिन्न सर्तहरु पालना गरी ‘भाडा निर्धारण÷समायोजन तथा विद्युतीय माध्यमबाट भाडा भुक्तानी नियमावली २०७८ अनुसार निम्नानुसार भाडादर कायम गरिएको हो ।
माघ १ गतेदेखि लागु हुने उक्त भाडादरको सूचनामा उपत्यकामा संचालित ट्याक्सी सेवाको पहिलो १ किमीसम्मको यात्राको शुरु फ्याग डाउन ६० रुपैयाँ कायम गरिएको छ ।
त्यस्तै सुरुको १ कि.मी यात्रापछि प्रति २०० मिटरको ९ रुपैयाँ ८० पैसाका दरले थप हुने गरी कायम गर्नुपर्ने बताइएको छ ।
वि.सं.२०७८ पुस २६ सोमवार १६:०४ मा प्रकाशित
