हामी सबैकाे संसारन्यूज

काठमाडौं । स्थानीय सरकार जनप्रतिनिधिबिहीन नहोस् भन्दै तत्काल स्थानीय निकायको निर्वाचनको प्रक्रिया सुरु गर्न माग गरिएको छ ।

गाउँपालिका राष्ट्रिय महासंघ नेपाल, नेपाल नगरपालिका संघ र जिल्ला समन्वय समिति महासंघले सोमवार एक विज्ञप्ति जारी गर्दै तत्काल निर्वाचनको मिति घोषणा गर्न निर्वाचन आयोग समक्ष माग गरेका हुन् ।

‘संविधान र स्थानीय तह निर्वाचन ऐनले एकदिन पनि जनप्रतिनिधिबिहीन स्थानीय तहको परिकल्पना गरेको छैन र स्थानीय तहको कार्यभार प्रदेश वा संघीय सरकारले संचालन र व्यवस्थापन गर्ने व्यवस्था पनि गरेको छैन । संविधानले नै जनप्रतिनिधि बिनाको स्थानीयसभा र कार्यपालिकाको व्यवस्था गरेको छैन र म्याद थपको पनि व्यवस्था गरेको छैन,’ विज्ञप्तिमा भनिएको छ, ‘कथमकदाचित समयमा नै निर्वाचन भएन भने संबैधानिक संकट आउने छ जसले गर्दा कानुन निर्माण प्रक्रिया, योजना तर्जुमा कार्यान्वयन र अनुगमन प्रणाली नै अबरुद्ध हुनेछ ।’

यस्तो छ पूर्ण विज्ञप्ति