Sansar News
काठमाडौं । हाल देशमा पश्चिमी वायु तथा उत्तर बांग्लादेश र यसको आसपासमा बनेको न्यून चापिय क्षेत्रको सामान्य प्रभाव रहेको छ ।
आज दिउँसो सुदूरपश्चिम प्रदेश, कर्णाली प्रदेश र लुम्बिनी प्रदेश लगातय अन्य प्रदेशहरुको पहाडी भू–भागमा आंशिक देखि सामान्य बदली रहनुका साथै बांकी भू–भागको मौसम सामान्यतया सफा रहनेछ भने देशका उच्च पहाडी तथा हिमाली भू–भागका थोरै स्थानमा हल्का हिमपातको संभावना रहेको छ ।
त्यस्तै राति पनि सुदूरपश्चिम प्रदेश, कर्णाली प्रदेश र लुम्बिनी प्रदेशको भू–भागका थोरै स्थानहरुमा हल्का वर्षाको सम्भावना रहेको छ। देशका उच्च पहाडी तथा हिमाली भू–भागका केहि स्थानमा हल्का हिमपातको संभावना रहेको पनि मौसम पूर्वानुमान महाशाखाले जनाएको छ ।
त्यस्तै आज काठमाडौंको न्यूनतम तापक्रम ५.२ र अधिकतम तापक्रम १९ डिग्री मापन गरिएको छ भने जुम्लाको तापक्रम माइनस २.५ र अधिकतम १५ डिग्री मापन गरिएको छ ।
वि.सं.२०७८ माघ ५ बुधवार ०९:२५ मा प्रकाशित
