हामी सबैकाे संसारन्यूज

काठमाडौं । सत्तारुढ गठबन्धन दलको राजनीतिक समन्वय समितिको बैठक आज दिउँसो बस्ने भएको छ ।

यसअघि विहीवार तयारी नपुगेको भन्दै स्थगीत गरिएको राजनीतिक समन्वय समितिको बैठक आज दिउँसो ४ बजे प्रधानमन्त्री निवास बालुवाटारमा बस्न लागेको हो ।

बैठकमा आगामी बैशाखमा गर्नेे भनिएको स्थानीय निकायको निर्वाचन लगायतका विविधि विषयमा छलफल हुने बताइएको छ ।

उक्त बैठकमा नेपाली कांग्रेसका नेता तथा राजनीतिक समन्वय समितिका संयोजक रामचन्द्र पौडेल, प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टी (जसपा) का अध्यक्ष उपेन्द्र यादव, राष्ट्रिय जनमोर्चाकी उपाध्यक्ष दुर्गा पौडेल लगायतका विभिन्न नेताहरुको समेत उपस्थिति रहनेछ ।

बिहीवार तयारी नपुगेको भन्दै बैठक स्थगीत गरिएको थियो । बिहीवारै साझ प्रधानमन्त्री निवासमा बालुवाटारमा प्रधानमन्त्री शेर बहादुर देउवा, माओवादी केन्द्रका अध्यक्ष प्रचण्ड र नेकपा (एकिकृत समाजवादी) का अध्यक्ष माधव कुमार नेपालको भेटवार्तापछि आज दिउँसो ४ बजेलाई बैठक तय गरिएको पनि प्रचण्डका स्वकीय सचिव रमेश मल्लले जानकारी दिएका छन् ।