Sansar News
काठमाडौं । भौतिक पूर्वाधार तथा यातायात मन्त्री रेणु यादवले दिएको अभिव्यक्तिप्रति एमालेका उपमहासचिव प्रदीप ज्ञवालीले आपत्ति जनाएका छन् ।
उपमहासचिव ज्ञवालीले शान्तिपूर्ण शान्तिपूर्ण विरोधमा उत्रिएका राजनीतिक दलका नेताहरूलाई अर्को ’गौर नरसंहार’ गराएर हत्या गर्ने खुला धम्की दिनु आपत्तिजनक रहेको बताउँदै यस्तो गम्भीर विषयमा प्रधानमन्त्रीको मौनता झन विडम्वनापूर्ण रहेको बताएका छन् ।
‘एकजना मन्त्रीले शान्तिपूर्ण विरोधमा उत्रिएका राजनीतिक दलका नेताहरूलाई अर्को ’गौर नरसंहार’ गराएर हत्या गर्ने खुला धम्की दिनु जति आपत्तिजनक, आपराधिक र बर्बरतापूर्ण छ, यति गंभीर विषयमा सम्बन्धित दल र प्रधानमन्त्रीको मौनता उत्तिकै बिडम्बनापूर्ण छ । अपराधलाई दुरूत्साहन गर्ने सबै गतिविधि बन्द होस् !’ नेता ज्ञवालीले सामाजिक संजालमा लेखेका छन् ।
मन्त्री यादवले बुधबार मधेश बलिदान दिवसका अवसरमा रौतहटको गौरमा आयोजित एक कार्यक्रममा मधेशमा हाल आन्दोलनरत सिके राउतप्रति लक्षित गर्दै राउत लक्षीत हिंसात्मक अभिव्यक्ति दिएपछि उनको चौतर्फि आलोचना भएको छ ।
अभिव्यक्तिले फसादमा परिन मन्त्री रेणु यादव, नागरिक समाजले पनि गर्याे पदमुक्त गर्न माग
वि.सं.२०७८ माघ ७ शुक्रवार १४:२८ मा प्रकाशित
