काठमाडौं । नेपाल प्रहरीले कार्यालयबाट सम्पर्कबिहीन भएका १३ प्रहरीलाई सातदिन भित्र हाजिर हुन आउन आग्रह गरेको छ ।
प्रहरीले सोमबार एक सूचना जारी गर्दै आफु गैरहाजिर रहेको कारण खोली स्पष्टीकरण जवाफ सहित कार्यालयमा सातदिन भित्रमा हाजिर हुन आउन आग्रह गरेको हो ।
प्रहरीले सातदिनभित्र हाजिर हुन नआएमा प्रहरी नियमावली, २०७१ को नियम ११३ (१) को खण्ड (च) को कसुरमा ऐ, नियमावलीको नियम १०९ को देहाय (ख) (१) बमोजिम सेवाबाट हटाउने गरी कारबाही गरिने चेतावनी समेत दिएको छ ।

वि.सं.२०७८ माघ १० सोमवार ०९:४० मा प्रकाशित






























