Sansar News
काठमाडौं । नेकपा (एकीकृत समाजवादी)का अध्यक्ष माधवकुमार नेपालले गठबन्धन फुटाउन एमाले अध्यक्ष केपी शर्मा ओलीले अनावश्यक भ्रम पैदा गरेको आरोप लगाएका छन् । बुधबार काठमाडौंमा आयोजित पार्टी प्रवेश कार्यक्रमलाई सम्बोधन गर्दै उनले गठबन्धनबारे फिँजाइएको भ्रमको पछि नलाग्न आग्रह गरे ।
आफुँ कमजोर बनेपछि ओलीले अनावश्यक भ्रमको खेती गरेको अध्यक्ष नेपालको आरोप छ । उनले एमसीसीमा ओलीले अनावश्यक खेल खेल्न खोजेको आरोप लगाए ।
अध्यक्ष नेपालले एमसीसीमा कांग्रेस र गठबन्धनका अन्य दलबीच भिन्न–भिन्न मत भएपनि एमसीसीको विषयमा कार्यदल नै बनाएर छलफल थालिएको प्रष्ट पारे । उनले गठबन्धन बलियो बनाउने विषयमा छलफल भइरहेको बताए । अध्यक्ष नेपालले आगामी चुनावसम्मै गठबन्धन कायम रहने पनि दाबी गरे ।
बुधबार सिन्धुपाल्चोकबाट एमाले परित्याग गरि थुप्रै नेता तथा कार्यकर्ता नेकपा एसमा प्रवेश गरेका थिए । एसमा प्रवेश गर्नेलाई अध्यक्ष नेपालले स्वागत गरेका थिए ।
वि.सं.२०७८ माघ १९ बुधवार १७:२७ मा प्रकाशित
