Sansar News
काठमाडौं । बैदेशिक रोजगारीमा गएर फर्किएपछि उद्यम गरेर बसेकाहरुलाई सरकारले सम्मान तथा पुरस्कृत गर्ने भएको छ ।
श्रम, रोजगार तथा सामाजिक सुरक्षा मन्त्रालयले बुधवार एक सूचना जारी गर्दै विदेशबाट फर्किएपछि उद्यम गरेर बसेकाहरुलाई राष्ट्रिय सम्मान तथा पुरस्कारको लागि आवेदन दिन आव्हान गरेको हो ।
बैदेशिक रोजगारीबाट फर्किएर स्वदेशमा उद्यम गरी राष्ट्रिय उत्पादन र रोजगारीमा योगदान गरिरहेका उद्यमीहरुलाई उनीहरुको योगदानको कदरस्वरुप पुरस्कृत गरी स्वरोजगारीलाई प्रोत्साहन गर्ने उद्धेश्यले प्रदान गरिन लागिएको पुरस्कारका लागि आवेदन दिन मन्त्रालयले आव्हान गरेको हो ।
मन्त्रालयले त्यस्ता उद्यमीले सूचना प्रकाशित भएको २१ दिनभित्र (फागुन ११ गतेभित्र मन्त्रालयको रोजगार समन्वय तथा सूचना शाखामा दर्ता गराउन वा स्क्यान गरी मन्त्रालयको इमेल info@moless.gov.np मा पनि पठाउन सकिने सूचनामा उल्लेखछ ।
वि.सं.२०७८ माघ २० बिहीवार ०९:०३ मा प्रकाशित
