हामी सबैकाे संसारन्यूज

काठमाडौं । दुबईबाट सुन बोकेर आएका तीनजनालाई प्रहरीले पक्राउ गरेको छ ।

एयर अरेबिया र हिमालयन एयरको विमानमार्फत नेपाल आएका सिन्धुपाल्चोक भोटेकाशी गाउँपालिकाका ३९ वर्षीय दावाछिरिङ शेर्पा, रौतहटका सुनिलकुमार शाह र मकवानपुरका नवराज परियारलाई सुन र आइफोन बोकेर ल्याएको अवस्थामा विमानस्थल प्रहरीले पक्राउ गरेको हो ।

मलद्धारमा लुकाएर ल्याएका थिए शेर्पाले सुन
युएईको सारजाहबाट एयर अरेबियाको विमानमार्फत् बुधवार काठमाडौं ओर्लिएका सिन्धुपाल्चोकका शेर्पाले मलद्धारमा लुकाएर १ किलो ५५ ग्राम सुज बेलना आकार बनाएर ल्याएको आवस्थामा प्रहरीले पक्राउ गरेको हो ।

शेर्पाले ल्याएको उक्त सूनको मूल्य ८३ लाख ३९ हजार २४७ रुपैयाँ बराबरको रहेको प्रहरीले जनाएको छ ।

त्यसैगरी दुवईबाट हिमालयन एयरको जहाजबाट काठमाडौ आएका रौतहटका शाहबाट प्रहरीले ६ लाख ४० हजार बराबरको आइफोन, चारवटा १३ प्रोम्याक्स र ३ लाख ९५ हजार बराबरको बेरुवा औठी र सिक्री बरामद गरेको जनाएको छ ।

त्यस्तै दुवईबाट हिमालयन एयरबाटै आएका मकवानपुरका परियारले पनि १ लाख ६० हजार बराबरको आइफोन र १३ प्रो म्याक्स तथा ३ लाख ९५ हजार २२५ रुपैयाँ बराबरको बेरुवा औठी ल्याएको प्रहरीले जनाएको छ । उनीहरुमाथि थप अनुसन्धान गर्नका लागि विमानस्थल भन्सार कार्यालयमा बुझाएको प्रहरीले जनाएको छ।

सरकारले विदेशबाट आउने नेपालीहरुले सुनका गहना ५० ग्राम सम्म, चाँदीका गहना ५०० ग्रामसम्म र हिराजडित सुन तथा चादिका गहना १ लाख रुपैयाँ सम्मका ल्याउन पाउने प्रावधान रहेको छ ।

त्यसैगरी १०० ग्रामसम्म सुन ल्याउँदा भन्सार महसुल तिरेर लैजान सकिने छ भने त्यो भन्दा बढी ल्याएको पाइएमा जफत गरिने प्रावधान रहेको छ ।