Sansar News
काठमाडाैं । बालुवाटारमा प्रधानमन्त्री शेरबहादुर देउवा, नेकपा (एमाले)का अध्यक्ष केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहाल प्रचण्डबीच भेटवार्ता सुरू भएको छ।
एमसिसीलगायत समसामयिक राजनीतिक घटनाक्रमबारे छलफल गर्न तीन शीर्ष नेता जुटेका हुन् ।
प्रधानमन्त्री निवास बालुवाटारमा शुरू भएको छलफलमा तीन शीर्ष नेतासहित एमाले महासचिव शंकर पोखरेल, सञ्चारमन्त्री ज्ञानेन्द्रबहादुर कार्कीलगायत पनि सहभागी छन् ।
एमसीसी मुख्यालयले एमसीसी पारित गर्न डेडलाइन ताेकेर पत्र पठाएपछि नेताहरू छलफलमा जुटेका हुन् ।
सरकारबाट बाहिरिएपश्चात ओली पहिलाे पटक बालुवाटारकाे छलफलमा पुगेकाे हुन् । ओलीले शीर्ष तहमा हुने छलफल बहिस्कार गर्दै अाएका थिए ।
वि.सं.२०७८ माघ २३ आइतवार १६:४१ मा प्रकाशित
