हामी सबैकाे संसारन्यूज

काठमाडौं । सरकारले होटल याक एण्ड यतिले सरकारलाई बुझाउनु पर्ने राजस्व नबुझाएको भन्दै होटल तथा होटलभित्र रहेको क्यासिनो सन्चालनमा रोक लगाएको छ ।

पर्यटन विभागले काठमाडौंको दरबारमार्गमा रहेको होटल याक एण्ड यतिले सरकारलाई बुझाउनु पर्ने रोयल्टी, इजाजत नविकरण दस्तुर लगायत गरेर ४२ करोड २५ लाख ६८ हजार २ सय रुपैयाँ बुझाउन बाँकी रहेको भन्दै मन्त्रिस्तरीय निर्णय अनुसार होटल, क्यासिनो बन्द गर्न तथा होटलको पाँचतारे स्तर समेत रद्द गरिएको सूचना जारी गरेको छ ।

सरकारलाई तिर्न बुझाउन बाँकी रहेको सन्दर्भमा गत विगत वर्षहरुमा पनि पटक–पटक पत्राचार गरिएको, सार्वजनिक सूचना मार्फत् जानकारी गराइएको तथा चालु आ.वको कार्तिकमा पैतिस दिने र पुषमा १५ दिने अवधि तोकि पत्राचार गरिएको र अन्तिम समय माघ १९ मा समेत सूचना जारी गएिकोमा तोकिएको समयमा रकम दाखिला नगरेपछि इजातपत्र रद्द गरिएको सूचनामा उल्लेखछ ।

‘क्यासिनो नियमावली २०७० को नियम १४ बमोजिम त्यस होटलको नाममा जारी भएको क्यासिनो संचालन इजाजत पत्र रद्द गर्ने, होटलको पाँच तारा स्तरको स्तर वर्गीकरण प्रमाणपत्र रद्द गर्ने, होटलको नाममा रहेकमो सम्पूर्ण अचल सम्पत्ति रोक्का राख्ने र बैंक तथा वित्तिय संस्थामा रहेका बैंक खाता तथा वित्तिय कारोबार रोक्का राख्ने नेपाल सरकार (माननीय मन्त्रिस्तर) बाट मिति २०७८ /१० /२५ मा निर्णय भएको व्यहोरा अनुरोध छ । साथै होटल तथा क्यासिनो संचालन नगर्न नगराउनु हुन समेत सूचित गरिन्छ ।’ सूचनामा भनिएको छ ।