Sansar News
काठमाडौं । तुलसीपुर उपमहानगरपालिका– ५ ‘ङ’ लाइनस्थित एक घरमा आगलागी हुँदा जलेर पाँचजनाको मृत्यु भएको छ ।
इरम फुटवेयर जुत्ता–चप्पल गोदाममा शुक्रबार बिहान २ बजेतिर लागेको आगोका कारण ५ जनाको निसास्सीएर ज्यान गएको इलाका प्रहरी कार्यालय दाङले जनाएको छ ।
मृत्यु हुनेमा ४ बालिका र एकजना ४०–४२ वर्षीय व्यक्तिरहेको प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिएका छन् ।
मृत्यु हुनेमा झण्डै ५–६ वर्षका अबिददिन अली, १३–१४ वर्षीया सजिता खातुन, झण्डै १४–१५ वर्षीय हसन बकस, करिब १५–१६ वर्षीय मसिन बकस र करिब ४०–४२ वर्षीय नजरदिन अली रहेको डिएसपी अर्यालले जानकारी दिएका छन् ।
बिहान २ बजेतिर गस्तीमै रहेको टोलीले आगो लागेको देखेपछि सेना, शसस्त्र, प्रहरी, स्थानीय तथा उपमहानगरपालिकाको दमकलले झण्डै पाँच घण्टापछि बिहान ७ बजे आगो नियन्त्रण्मा लिएको थियो ।
प्रहरीको प्रारमिभक अनुसन्धानमा विद्युत् शर्ट भएका कारण उक्त आगो लागेको हुन सक्ने बताएको छ ।
वि.सं.२०७८ माघ २८ शुक्रवार ०९:०१ मा प्रकाशित
