हामी सबैकाे संसारन्यूज

काठमाडौं । सरकारले फागुन १ देखि १८ वर्ष माथिका सबै नागरिकलाई कोरोनाको बुष्टर डोज दिने भएको छ । स्वास्थ्य तथा जनसंख्यामन्त्री विरोध खतिवडाले शुक्रबार मन्त्रालयमा आयोजित पत्रकार सम्मेलनमा यस्तो कुरा बताएका हुन् ।

उनले बताएअनुसार फागुन १ देखि सबै खोप केन्द्रमा बुस्टर डोज लगाउने व्यवस्था गरिनेछ ।

“फागुन १ देखि सबै नागरिकलाई बुस्टर डोजको व्यवस्था हुन्छ”, मन्त्री खतिवडाले भनेका छन्, “खोप सल्लाहकार समितिको निर्णयअनुसार १८ वर्ष उमेर पुगेका सबै नागरिक र दोस्रो डोज लगाएका नागरिकलाई बुस्टर डोज लगाउने निर्णय भएको छ ।”

उनका अनुसार खोप लगाउन अनिवार्य खोप कार्ड देखाउनुपर्ने व्यवस्था गरिएको बताए । ५ देखि ११ वर्ष उमेर समूहका बालबालिकालाई समेत खोप लगाउने तयारी गरिएको उनले जनाएका छन् । उनका अनुसार बालबालिकाको लागि खोप ल्याउने प्रक्रिया थालिएको छ ।