Sansar News
काठमाडौं । प्रधानन्यायाधीश चोलेन्द्र शम्शेर राणाविरुद्व महाभियोग दर्ता भएको छ । सत्तारुढ पाँचदलीय गठबन्धनका सांसदहरुले आइतबार बिहान संसद सचिवालयमा महाभियोगको प्रस्ताव दर्ता गराएका हुन् । महाभियोगको प्रस्ताव बिहान ११ बजेर १० मिनेटमा दर्ता भएको थियो ।
प्रधानन्यायाधीश राणाविरुद्व ल्याइएको महाभियोग प्रस्तावमा कानुनमन्त्री दिलेन्द्रप्रसाद बडूसहित ९८ जना सांसदले हस्ताक्षर गरेका छन् । महाभियोग प्रस्ताव दर्ता गर्न स्वंय कानुनमन्त्री संसद सचिवालय पुगेका थिए ।
प्रधानन्यायाधीश राणाको राजीनामा माग गर्दै नेपाल बार एशोसिएसन लामो समयदेखि आन्दोलनमा छ । सर्वोच्च अदालतका न्यायाधीशहरु पनि उनको विरुद्धमा छन् ।
वि.सं.२०७८ फागुन १ आइतवार १२:०० मा प्रकाशित
