हामी सबैकाे संसारन्यूज

१ फागुन, काठमाडौँ । २०२२ को आईपिएल मेघा अक्सनको पहिलो दिन समाप्त भएको छ । यी हुन मेघा अक्सनको पहिलो दिन सबै भन्दा बढि मूल्यमा बिक्ने ५ खेलाडी :

१. इशान किशन
आईपिएल अक्सनको पहिलो दिनमा इशान किशन सबै भन्दा बढि मूल्यमा बिकेका छन । उनलाई मुम्बई इंडियन्सले १५ करोड २५ लाख भारुमा टिममा अनुबन्धित गरेको छ । यसअघिकोे सिजनमा पनि इशान किसन मुम्बई इंडियन्समै आवद्ध रहेका थिए । उनले आईपिएलमा ६१ खेल खेलका छन जसमा उनले १४५२ रन बनाएका छन । यसक्रममा उनले ९ अर्धसतक पनि प्रहार गरेका छन ।

२. दिपक चाहर
भारतीय क्रिकेट टिमका फास्ट बलर दिपक चाहर यस सूचिको दोस्रो स्थानमा रहेको छन । उनलाई चेन्नाई सुपर किंग्सले १४ करोड भारुमा आफ्नो टिममा अनुबन्धित गरेको छन । यसअघिको सिजनमा पनि उनी चेन्नाई सुपर किंग्समै आवद्ध रहेका थिए । उनले आईपिएलमा ६३ खेल खेलेका छन जसमा उनले ५९ विकेट लिएका छन ।

३. श्रेयस अय्यर
दिल्ली क्यापिटल्सका पूर्वकप्तान श्रेयर अय्यरलाई कोलकत्ता नाईट राइडर्सले १२ करोड २५ लाख भारुमा आफ्नो टिममा अनुबन्धित गरेको छ । अय्यरले आईपिएलमा ८७ खेल खेलका छन जसमा उनले २३७५ रन बनाएका छन ।

४. हर्षल पटेल
हर्षल पटेललाई रोयल च्यालेन्जर्सको बेङ्गलोरको टिमले १० करोड ७५ लाख भारुमा आफ्नो टिममा अनुबन्धित गरेको छ । हर्षल पटेलले गत सिजनको आईपिएलमा सर्वाधिक विकेट लिएका थिए ।

५. शार्दुल ठाकुर
भारतीय क्रिकेट टिमका अलराउण्डर शादुर्ल ठाकुरलाई दिल्ली क्यापिटल्सले १० करोड ७५ लाख भारुमा टिममा अनुबन्धित गरेको छ । यसअघिको सिजनमा उनी चेन्नाई सुपर किंग्ससँग आवद्ध रहेका थिए ।

त्यसैगरी श्रीलंका क्रिकेट टिमका वनिन्दु हसरंगालाई रोयल च्यालेन्जर्स बेङ्गलोरले १० करोड ७५ लाख भारु र वेस्टइंडिज क्रिकेट टिमका निकोलस पुरनलाई सनराइजर्स हैदरावादले १० करोड ७५ लाख भारुमा टिममा अनुबन्धित गरेको छ ।