हामी सबैकाे संसारन्यूज

काठमाडाैं । फागुन २ गते भाेलिका बाेलाइएकाे प्रतिनिधि सभाको बैठक विशेष कारण देखाउँदै स्थगित गरिएको छ । आइतबार विज्ञप्ति जारी गर्दै संसद्‍ सचिवालयले फागुन २ गते बोलाइएको बैठक स्ठगित भएकाे जनाएकाे हाे ।

स्थगित बैठक फागुन ४ गते बस्ने दिउँसो १ बजे बस्ने विज्ञप्तिमा उल्लेख गरिएको छ ।

‘मिति २०७८ साल फागुन २ गते सोमबार दिनको १ बजे बस्ने गरी निर्धारण भएको प्रतिनिधि सभाको बैठक विशेष कारणले उक्त दिन र समयमा बस्न नसक्ने भएकाले प्रतिनिधि सभा नियमावली‚ २०७५ को नियम ६ को उपनियम (३) बमोजिम सम्माननीय सभामुखज्यूले मिति २०७८ साल फागुन ४ गते बुधबार दिनको १ बजे बैठक बस्नेगरी निर्धारण गर्नुभएको व्यहोरा माननीय सदस्यहरूको जानकारीका लागि यो सूचना प्रकाशित गरिएको छ,’ विज्ञप्तिमा उल्लेख गरिएको छ ।

संसद बैठक पुस १८ देखि निरन्तर स्थगन हुँदै आएको छ । पटक–पटक स्थगित गरिएको प्रति प्रमुख प्रतिपक्षी नेकपा (एमाले)ले विरोध जनाउँदै आएको छ ।