हामी सबैकाे संसारन्यूज

काठमाडौं । जीवन बीमा कम्पनीहरूले चालु आर्थिक वर्षको दोस्रो त्रैमाससम्ममा ७० अर्ब ९१ करोड रुपैयाँ बीमाशुल्क संकलन गरेका छन् ।

बीमा कम्पनीहरुले पुस महिनामा मात्रै १२ अर्ब ७८ करोड रुपैयाँ संकलन गरेका छन् । बीमा समितिको तथ्यांकअनुसार चालु आवको ६ महिनामा १८ अर्ब ३९ करोड बीमाशुल्क संकलन गरेर नेपाल लाइफले आफुलाई अग्रस्थानमा उभ्याउन सफल भएको छ ।

चालु आर्थिक वर्षको ६ महिनासम्ममा बीमा कम्पनीहरुले प्रथम बीमा शुल्क आर्जन भने २० अर्ब ६० करोड रुपैयाँ आर्जन गरेका छन् ।

त्यस्तै सो अवधिमा बीमा कम्पनीहरुले नविकरण बीमा शुल्क बापत ५० अर्ब ३० करोड रुपैयाँ आर्जन गरेका छन् । शुल्क आर्जनको प्रवृत्तिलाई हेर्दा कम्पनीहरुले प्रथम बीमा शुल्क भन्दा पनि नविकरण शुल्कलाई प्राथमिकता दिएको देखिन्छ ।

चालु आवको ६ महिनाको अवधिसम्म बीमा कम्पनीहरुको नविकरण कारोबारमा अग्रता देखिएको छ ।
चालु आवको ६ महिनामा बीमा शुल्क धेरै आर्जन गर्ने मध्येमा दोस्रोमा एलआईसी नेपालले आठ अर्ब ३९ करोड बीमाशुल्क संकलन संकलन गरेको छ भने युनियन लाइफले चार अर्ब १२ करोड रुपैयाँ संकलन गरेर तेस्रो आफुलाई तेस्रो स्थानमा उभ्याउन सफल भएको छ ।