हामी सबैकाे संसारन्यूज

काठमाडौं । नेपाली कांग्रेसले अमेरिकी सहयोग परियोजना (एमसीसी) सम्झौताको पक्षमा मतदान गर्ने निर्णय गरेको छ । मंगलबार बसेको कांग्रेस संसदीय दलको बैठकले एमसीसी सम्झौता प्रतिनिधिसभा बैठकमा एमसीसी टेबल गराउने र सम्झौताको पक्षमा मतदान गर्ने निर्णय गरेको हो ।

बैठकले प्रधान्यायाधिश चोलेन्द्र शमशेर राणाविरुद्व दर्ता गरिएको महाभियोगलाई पास गर्नुपर्ने निष्कर्ष पनि निकालेको नेतृ डा. डिला संग्रौला पन्तले जानकारी दिइन । उनका अनुसार बैठकमा उपस्थित सबै सांसदले एमसीसी अगाडि बढाउनुपर्ने धारणा राखेका थिए ।

बैठकले भोली बस्ने प्रतिनिधिसभाको बैठकमै एमसीसीलाई टेबल गर्नुपर्ने निर्णय गरेको छ ।

संसदीय दलको बैठककै बीच प्रधानमन्त्री शेरबहादुर देउवाले सभामुख अग्निप्रसाद सापकोटालाई फोन गरेर कार्यव्यवस्था समितिको बैठक बोलाउनसमेत आग्रह गरेका थिए । कार्यव्यवस्था समितिको बैठकबाट एमसीसी टेबल गर्ने एजेण्डा बनाउन देउवाको आग्रह छ ।