हामी सबैकाे संसारन्यूज

४ फागुन, काठमाडौँ । आइसिसी टी-२० विश्वकप छनोट प्रतियोगिताका लागि नेपाल क्रिकेट संघ (क्यान) ले नेपाली राष्ट्रिय टिम घोषणा गरेको छ । क्यानले सन्दीप लामिछानेको कप्तानीमा १४ खेलाडीको चयण गरेको हो ।

क्यानले घोषणा गरेको १४ खेलाडीमा गुल्शनकुमार झा पर्न सफल भएका छन । उनले अलराउण्डर करण केसीको स्थानमा मौका पाएका हुन । करण केसी चोटको कारणले गर्दा आइसिसी टी-२० विश्वकप छनोट प्रतियोगिताबाटै बाहिरिएका छन । त्यसैगरी क्यानले कुशल मल्ल, साहब अलाम र दीप ऐरीलाई भने वैकल्पिक खेलाडीको रुपमा राखेको छ ।

ग्लोबल छनोट अन्तर्गत नेपाल समूह ‘ए’ मा रहेको छ । नेपालको समूहमा ओमान, बहराइन, क्यानडा, जमर्नी, आयरल्यान्ड, फिलिपिन्स र संयुक्त अरब इमिरेट्स (युएई) छन् । यी आठ टोलीलाई पनि दुई समूहमा विभाजन गरिएको छ । जसमा समूह एकमा नेपाल, ओमन, क्यानडा, र फिलिपिन्स छन् भने समूह दुईमा आयरल्यान्ड, युएई, बहराइन र जमर्नी छन् । ओमनमा नै आयोजना हुने उद्घाटन खेल आगामी फागुन ६ गते हुनेछ । यस समूहमा फाइनल पुग्ने दुई टोलीले आगामी अक्टोबर नोभेम्बरमा अष्ट्रेलियामा हुने टी-२० विश्वकपमा स्थान बनाउने छन् ।

आइसिसी टी-२० विश्वकप छनोट प्रतियोगिताका लागि नेपालको टिम :
सन्दीप लामिछाने (कप्तान), शरद भेषवाकर, ज्ञानेन्द्र मल्ल, दीपेन्द्रसिंह ऐरी, कुशल भुर्तेल, मोहमद आसिफ शेख, मोमहद आरिफ शेख, अभिनास बोहरा, जितेन्द्रकुमार मुखिया, कमलसिंह ऐरी, विवेककुमार यादव, लोकेशबहादुर बम, सागर ढकाल, गुल्शनकुमार झा ।

वैकल्पिक खेलाडी :
कुशल मल्ल, साहब अलाम, प्रदीप ऐरी ।