Sansar News
काठमाडौं । सभामुख अग्नि सापकोटाले बोलाएको कार्य व्यवस्था समितिको बैठकमा एमाले अनुपस्थित भएको छ ।
आज दिउँसो १ बस्ने प्रतिनिधिसभाको बैठकका संभावित कार्यसूची तय गर्नका लागि सभामुख सापकोटाले बोलाएको कार्य व्यवस्था समितिको बैठकमा एमाले अनुपस्थित भएको हो ।
एमालेका सचेतक विशाल भट्टराईले उक्त बैठकमा आफुहरु सहभागी नहुने निर्णय गरेको बताएका हुन् ।
पार्टीले कारबाही गरेका १४ सांसदलाई सभामुखले सांसदपदबाट हटाइएको सूचना टाँस नगरेको भन्दै लामो समयदेखि संसद अवरुद्ध गर्दै आएको एमालेले यसअघि पनि संसद अवरुद्ध खुलाउनका डाकिएको सर्वदलीय बैठकमा समेत अनुपस्थित हुँदै आएको छ ।
वि.सं.२०७८ फागुन ४ बुधवार १२:१२ मा प्रकाशित
