हामी सबैकाे संसारन्यूज

१० फागुन, काठमाडौँ । आइसिसी टी-२० विश्वकप ग्लोबल छनोट अन्तर्गतको यूएई विरुद्धको सेमिफाइनल खेलमा नेपालले १७६ रनको लक्ष्य पाएको छ ।

टस जितेर पहिले ब्याटिङ्ग गरेको यूएईले २० ओभरमा ७ विकेट गुमाएर १७५ रन बनाएको हो । युएईका लागि ब्याटिङ्गमा मोहम्मद वसीमले ४८ बलमा ७० रनको विस्फोटक पारी खेलेका थिए । त्यसैगरी वृत्य अरविन्दले २३ बलमा ४६ रनको पारी खेलेका थिए । नेपालका लागि बलिङ्गमा जितेन्द्र मुखिया र अविनाश बोहराले सर्वाधिक ३/३ विकेट हात पारेका थिए । त्यसैगरी सन्दिप लामिछानेले १ विकेट हात पारेका थिए ।

आइसिसी टी-२० विश्वकप ग्लोबल छनोट अन्तर्गतको सेमिफाइनल खेलमा जित हासिल गर्नको लागि नेपालले २० ओभरमा १७६ रन बनाउन पर्ने छ । आइसिसी टी–२० विश्वकप क्रिकेट प्रतियोगितामा स्थान सुरक्षित गर्न पनि नेपाललाई जित्नै पर्ने दबाब रहेको छ ।