हामी सबैकाे संसारन्यूज

काठमाडौं । लोकतान्त्रिक समाजवादी पार्टी (लोसपा) ले एमसीसीको पक्षमा मतदान गर्ने निर्णय गरेको छ ।

बुधबार बबरमहलस्थित पार्टीको केन्द्रीय कार्यालयमा बसेका संसदीय दलको बैठकले आइतबार संसदमा टेबुल गरिएको एमसीसी सम्झौता पारितका लागि पक्षमा मतदान गर्ने निर्णय गरेको हो ।

सांसद चन्दा चौधरीका अनुसार एमसीसी पारित नगरे नेपालको विकास अनुदानमा समस्या हुने भएकाले लोसपाका १३ सांसदले एमसीसीको पक्षमा मतदान गर्ने निर्णय गरेको हो ।

आइतवार संसदमा टेवुल भएको एमसीसी सम्झौता प्रस्तावलाई बिहीबारको प्रतिनिधिसभा बैठकमा अगाडि बढाइने भएको छ । बिहीबारको संसद बैठकको सम्भावित कार्यसूचीमा समेत एमसीसी सम्झौताका विषयमा छलफल हुने बताइएको छ ।