हामी सबैकाे संसारन्यूज

काठमाडौं । रूसले यूक्रेनमाथि शैन्य कारबाही शुरू गरेको छ । अन्तराष्ट्रिय सञ्चार माध्यमले यूक्रेनी सेनालाई उद्र्धत गर्दै बताएअनुसार रूसी सेनाले यूक्रेनको पूर्वी भागमा रहेको सैन्य आधार शिविरसहित महत्वपूर्णं सैन्य अड्डामा एकै पटक मिसाइल आक्रमण गरेको हो ।

जनाइएअनुसार रूसले राजधानी किफ नजिकैको बोरिसिपिल एयरबेस र अन्य एयरपोर्टहरूमा पनि मिसाइल आक्रमण गरेको छ। यसबीच रूसी प्याराट्रुप्स देशको दक्षिणी बन्दरगाह सहर ओडेसामा अवतरण गरेको कुरा सञ्चार माध्यमले जनाएका छन् ।

बेलारूसी सैनिकहरू रूसी आक्रमणमा सामेल भएको पनि धेरै रिपोर्टहरूमा भनिएको छ। यी रिपोर्टहरूमा यूक्रेनी अधिकारीहरूलाई उद्धृत गरिएको छ।

यूक्रेनको उत्तरी सिमानामा अवस्थित बेलारूस वर्षौंदेखि रूसको सहयोगी रहेको छ । उत्तरबाट भएको आक्रमणको अर्थ पूर्वी यूक्रेनमा रूसको आक्रमणसँगै यूक्रेनविरूद्ध अर्को मोर्चा खुलेको हो ।

यूक्रेनस्थित बीबीसीका संवाददाता जेम्स वारटहाउसका अनुसार यूक्रेनको थुप्रै भागमा एकै पटक विस्फोटका खबर आएका छन् । तर, रूसको रक्षा मन्त्रालयले भने सैन्य कारबाही नगरिएको दाबी गरेको छ । मन्त्रालयले यूक्रेनको सैन्य पूर्वाधार, हवाई रक्षा र वायु सेनालाई निशाना बनाइएको भए पनि कारबाही नगरिएको दाबी गरेको छ ।