हामी सबैकाे संसारन्यूज

बहराइन । नेपाली जनप्रगतिशील मन्त्र बहराइनले नेपालका लागि आएको अमेरिकी सहयोग परियोजना एमसीसी नेपालको स्वतन्त्रता, सार्वभौमसत्ता र स्वाभिमान विरुद्ध रहेको बताएको छ ।

विगतमा अमेरिकाले नेपालको विकासका लागि विभिन्न खाले सहयोग गर्दै आएकोमा त्यो सह्रानिय रहेको र ती सहयोगमा विगतमा कुनैपनि शर्त नरहेकोमा एमसीसी सम्झौतालाई संसदबाट अनुमोदन गर्ने शर्त लादिएकोमा आपत्ति जनाउँदै प्रधानमन्त्री शेर बहादुर देउवालाई ज्ञापनपत्र बुझाएको छ ।

‘वर्तमान एमसीसी कम्प्याक्टमा संसदबाट अनुमोदन हुनुपर्ने शर्त लादिएको छ । जसको अर्थ हो नेपालका कानुनहरु सम्झौतासित बाझिएमा एमसीसीका नीतिहरु लागू हुनु अर्थात् एमसीसीका कानुन नेपालको भन्दा माथि हुनु हो । त्यस अतिरिक्त यो अमेरिकाको हिन्द प्रशान्त सैन्य रणनीतिसँग जोडिएर आएको छ,’ मन्चले मनामास्थित दूतावासमार्फत् प्रधानमन्त्रीलाई पठाएको ज्ञापनपत्रमा भनिएकोछ, ‘तर नेपालजस्तो मुलुकलाई कुनै एउटा शैन्य कित्तामा उभिने सुविधा छैन । त्यसकारणले पनि एमसीसी विरुद्ध उभिएको छ । हामी अमेरिकाको सहयोगको विरुद्धमा छैनौं । तर शर्तवद्ध भएर गरिने कुनैपनि सहायता नेपालको हितमा हुँदैन भन्नेमा हामी सजग छौं ।’