Sansar News
काठमाडौं । संसद बैठक आज पनि स्थगित भएको छ । सरकारको आग्रहमा सभामुख अग्निप्रसाद सापकोटा बैठक स्थगित गरेका हुन् । स्थगित बैठक आइतबार बस्ने जनाइको छ ।
सभामुखका प्रेस सल्लाहकार श्रीधर न्यौपानले बताएअनुसार कानुनमन्त्री दिलेन्द्र बडूले प्रधानमन्त्रीको आग्रह भन्दै बैठक सार्न भनेका थिए ।
यसअघि बिहीबार पनि सरकारकै आग्रहमा सभामुखले बैठक स्थगित गरेका थिए ।
सत्तारुढ गठबन्धनभित्र एमसीसीको विषयमा विवाद छ । सत्ताको नेतृत्वको गरिरहेको कांग्रेस प्रमुख प्रतिपक्षी नेकपा (एमाले)सँग एमसीसी पारितदेखि सत्ता सहकार्यसम्मको विषयमा छलफलमा छ । तर, एमालेसँग पनि सहमति बन्न सकिरहेको छैन् ।
एमसीसीकै विषयमा सहमति नजुटेसँगै प्रधानमन्त्री शेरबहादुर देउवाले विकल्प स्वरुप संसद बैठक स्थगन गराएका हुन् ।
वि.सं.२०७८ फागुन १३ शुक्रवार १२:३९ मा प्रकाशित
