Sansar News
काठमाडौं । नेपालमा पछिल्लो २४ घण्टामा २७५ जनामा कोरोना संक्रमण पुष्टि भएको छ । आज देशैभरी गरिएको ८ हजार ६२८ नमुना परीक्षणमा २७५ जनामा कोरोना संक्रमण पुष्टि भएको हो ।
नेपालमा आज थपिएका २७५ जनासँगै हालसम्म कोरोनाबाट संक्रमित हुनेको संख्या ९ लाख ७७ हजार १६५ पुगेको छ । कूल संक्रमित मध्ये आज निको भएका ५५५ जनासँगै संक्रमणबाट मुक्त हुनेको संख्या ९ लाख ५५ हजार ४५८ पुगेको छ ।
त्यसैगरी पछिल्लो २४ घण्टामा १ जना कोरोना संक्रमितले ज्यान गुमाएसँगै नेपालमा हालसम्म संक्रमणबाट ज्यान गुमाउनेको संख्या ११ हजार ९३२ पुगेको छ ।
हाल नेपालमा ९ हजार २८० जना सक्रिय संक्रमित रहेका छन् । ती मध्ये ९ हजार २६ जना होम आइसोलेशन र २५४ जना संस्थागत आइसोलेशनमा रहेका छन् । साथै ९२ जनाको आइसीयु र १५ जनाको भेन्टिलेटरमा उपचार भइरहेको पनि मन्त्रालयले जनाएको छ ।
नेपालमा थप १ लाख २२ हजार ४९३ जनाले कोरोनाविरुद्धको खोप लगाएको मन्त्रालयले जनाएको छ ।
वि.सं.२०७८ फागुन १३ शुक्रवार १५:४४ मा प्रकाशित
