Sansar News
काठमाडौं । हाल देशमा पश्चिमी न्यून चापीय प्रणालीको सामान्य प्रभाव रहेपनि देशका अधिकांश भू–भागमा वर्षा र हिमपात भइरहेको छ ।
जल तथा मौसम पूर्वानुमान महाशाखाका अनुसार आज दिउसो सुदूर पश्चिम, कर्णाली, लुम्बिनी, गण्डकी, बागमती र प्रदेश १ का पहाडी भू–भागमा केही स्थानहरूमा मेघ गर्जन÷चट्याङ्ग÷असिना सहित हल्का वर्षाको सम्भावना रहेको छ ।
त्यस्तै देशका उच्च पहाडी र हिमाली भू–भागका केही स्थानहरूमा हल्का देखि मध्यम हिमपातको सम्भावना रहेको छ।
त्यसैगरी राति पनि सुदूरपश्चिम प्रदेश र कर्णाली प्रदेशको पहाडी भू–भागका केही स्थानहरुमा मेघ गर्जन/चट्याङ्ग/हावाहुरी सहित हल्का वर्षाको सम्भावना रहेको छ ।
सुदूर पश्चिम, कर्णाली र गण्डकी प्रदेश का उच्च पहाडी र हिमाली भू–भागका केही स्थानहरुमा हल्का हिमपातको सम्भावना रहेको पनि महाशाखाले जनाएको छ ।
वि.सं.२०७८ फागुन १४ शनिवार ०८:३१ मा प्रकाशित
