हामी सबैकाे संसारन्यूज

काठमाडौं । नेकपा (माओवादी केन्द्र)का नेता लेखनाथ न्यौपानले एमसीसी पारित गर्ने विषयमा माओवादी केन्द्रले कुनै निर्णय नगरेको बताएका छन् । सत्ता गठबन्धनको बैठकमा व्याख्यात्मक घोषणासहित एमसीसी पारित गर्ने निर्णयमा पार्टी अध्यक्ष पुष्पकमल दाहाल ‘प्रचण्ड’ एकल सहमति भएको बताए ।

पार्टी आठौं महाधिवेशनले एमसीसीको विषयमा जे निर्णय गरेको थियो सोही निर्णय नै माओवादी केन्द्रको आधिकारिक निर्णय भएको उनले बताए । पार्टी अध्यक्ष वा केन्द्रीय कार्यालयका नेताको बैठक बसेर गरिने निर्णयलाई आधिकारिकता मान्न मिल्दैन ।

“हालको नेकपा (माओवादी केन्द्र) मा केन्द्रीय समितिको निर्णय बाहेक अरुले गर्ने निर्णय अधिकारिक हुँदैन्, आज बिहान बसेको भनिएको बैठकको कुनै वैधानिकता छैन”, नेता न्यौपानेले भनेका छन् ।

उनका अनुसार महाधिवेशनपछि पार्टी केन्द्रीय समिति र अध्यक्ष मात्रै चयन भएको हुनाले सो कमिटीभन्दा बाहेकका निर्णयले वैधानिकता पाउन सक्दैनन् ।