हामी सबैकाे संसारन्यूज

१६ फागुन, काठमाडौँ । भारत र श्रीलंका बिचको तेस्रो तथा अन्तिम टि-२० मा भारतले ६ विकेटले जित हासिल गरेको छ ।

टस जितेर पहिले ब्याटिङ्ग गरेको श्रीलंकाले २० ओभरमा ५ विकेट गुमाएर १४६ रन बनाएको थियो । श्रीलंकाका लागि ब्याटिङ्गमा कप्तान दासुन शनाकाले सर्वाधिक ७४ रन बनाएका थिए । भारतका लागि बलिङ्ग तर्फ भने आवेश खानले सर्वाधिक २ विकेट हात पारेका थिए ।

श्रीलंकाले दिएको १४७ रनको लक्ष्य भारतले १६.५ ओभरमा ४ विकेट गुमाएर पुरा गर्यो । भारतका लागि श्रेयस अय्यरले ४५ बलमा ७३ रनको विस्फोटक पारी खेलेका थिए । उनको यो ३ खेलेको टि-२० श्रृखलामा लगातार तेस्रो अर्धसतक थियो । त्यसैगरी रोहित शर्माले ५, सञ्जु सैमसनले १८ दिपक हुड्डाले २१, वेंकटेश अय्यरले ५ र रविन्द्र जडेजाले २२ रनको योगदान दिएको थिए । श्रीलंकाका लागि बलिङ्गमा लाहिरु कुमारले सर्वाधिक २ विकेट हात पारेका थिए ।

जितसँगै भारतले ३ खेलको टि-२० श्रृखला ३ ० ले क्लिन स्विप गरेको छ ।