हामी सबैकाे संसारन्यूज

काठमाडौं । रुसी आक्रमणको बीच यूक्रेनको राजधानी कीभबाट यूक्रेनी राष्ट्रपति वोल्डोमिर जेलेन्स्कीले बंकरबाटै टिभी अन्तरवार्ता दिएका छन् । उनले सीएनएन नामक टेलिभिजनलाई अन्तवार्ता दिँदै आफु्ँहरुलाई जोगाउन विश्व समुदायलाई अपिल गरेका छन् । उनले पुटिनको आक्रमणविरुद्व सारा विश्वले लड्नु पर्ने बताए ।

रुस–युक्रेन शान्ति वार्ताको क्रममा रहेको प्रश्नमा जेलेन्स्कीले युक्रेनका सहरहरूमा रुसी आक्रमण जारी रहेसम्म शान्तिको सम्भावना नरहेको बताए । उनले युक्रेन युरोपको मुटु भएको र युरोपले यसलाई गुमाउन नचाहेको बताए । जेलेस्कीले वार्ताको नाममा रुसियाले समय मात्रै बर्बाद गरेको भन्दै उनले बाइडेनले निर्णायक कदम चाल्ने बताए ।

कमेडिनबाट युक्रेनका राष्ट्रपति बनेका जेलेन्स्कीले एक प्रश्नको जवाफमा म आइकन होइन, युक्रेनका जनता आइकन भएको बताए । “यो युक्रेन बचाउने लडाई हो। बाइडेन प्रशासनले रुसका विषयमा कडा र ठूलो निर्णय लिनुपर्छ ।”

दोस्रो चरणको वार्ता हुँदै

रुसी समाचार एजेन्सी टासका अनुसार युक्रेन र रुसबीच बुधबार दोस्रो चरणको वार्ता हुने भएको छ । यो वार्ता बेलारुस(पोल्याण्ड सीमामा प्रस्तावित छ। यसअघि सोमबार दुई देशबीच पाँच घण्टा वार्ता भएको थियो । तर, वार्ता कुनै ठोस निष्कर्षविना टुंगिएको थियो ।